A súa produción literaria

Poeta, escritor, intelectual e conferencista. Penelas cultiva moitos xéneros e colabora con distintos medios de comunicación. Especialmente ligado á cultura e á súa difusión, co seu último libro, «Retratos», supera xa a vintena de obras publicadas.

 

Na súa faceta de articulista, colaborou durante quince anos co suplemento literario do xornal La Prensa. Foi condutor tamén de programas culturais en Radio Municipal e Radio Nacional.

Entre 1995 e 2006, escribiu columnas de opinión en Galicia en el Mundo. Na actualidade, é columnista dos xornais Nueva Rioja e Diario Hispano Arxentino, así como de varias publicacións on line. Ditou conferencias e cursos en España; en Galicia estivo na Universidade de Santiago de Compostela e tamén na Universidade da Coruña. No 2004 impartiu un seminario na Universidade de Santiago de Chile. Durante os últimos quince anos foi xefe de Relacións Públicas da Fundación Favaloro, e subdirector do Centro Editor da mesma entidade.

Ten publicados máis de vinte libros de prosa e poesía. Entre eles destacan Poemas del amor sin muros (1970), La gaviota blindada y otros poemas (1975), Conversaciones con Luis Franco (1978), La noche inconclusa (1979), Los dones furtivos (1980), El corazón en el bosque (1992), El mirador de Espenuca (1995), Guiomar/Cantiga (1996), Los gallegos anarquistas en la Argentina (1996), Anarquía y creación (1997), Valses poéticos (1999), Desobediencia de la aurora (2000), De Espenuca a Barracas al Sur (2000), El Regreso de Walter González Penelas (2001), Elogio a rosa de Berceo (2002), Diario interior de René Favaloro (2003), El aire y la hierba (2004), Crónicas del desorden (2006) y Romancero de la melancolía (2007).

En 1977 obtivo o premio «Arturo Marasso», outorgado pola Escola Nacional Normal Superior do Profesorado Mariano Acosta. No 1981, logra a Faixa de Honor da Sociedade Arxentina de Escritores (SADE); en 1986 é galardoado co premio «Accésit», outorgado pola XII Exposición Feria Internacional de Bos Aires «O libro-do autor ao lector», pola mellor cobertura como cronista de Radio Nacional. Dous anos máis tarde, en 1988, obtén o premio á mellor cobertura como cronista de Radio Nacional outorgado tamén pola Feria Internacional de Bos Aires. No mesmo ano tamén recibe o Primeiro Premio de Poesía «Afonsina Storni» que outorga Xente de Letras. En 1992, obtén unha Mención Especial de Poesía no concurso latinoamericano «Carlos Sabar Ercasty», en Montevideo, Uruguai.