A solicitude da certificación constará en impreso oficinal e acompañarase da seguinte documentación:

Documento Nacional de Identidade do solicitante ou Pasaporte. Este documento cumprirá unha función probatoria dobre: por un lado acreditará a identidade do solicitante e, por outro lado, probará a nacionalidade española do mesmo.
Pasaporte. Como documento probatorio da data da última saída de España, se é o caso.
Baixa consular ou pasaporte que acredite o feito do retorno
Acreditación do tempo traballado no estranxeiro, mediante documentos orixinais ou fotocopias compulsadas do contrato de traballo, follas salariais ou de cotización á seguridade social ou certificados de traballo da empresa onde se traballou no que terá que figurar o tempo de prestación de servizos. Estes documentos referidos ó traballo e que non teñan carácter oficial deberán vir adverados (autenticados) polo Consulado español no país de procedencia ou pola Consellería Laboral española do país de procedencia.

O interesado deberá manifestar, igualmente, e mediante declaración xurada, ou promesa, que desde a data do seu retorno a España non percibe prestación ou subsidio de desemprego a cargo do país de emigración