É obrigatorio consignar o número de DNI :

     - Nos rexistros ou documentos que sirvan de base para a elaboración das nóminas dos funcionarios, empregados e obreiros de todas clases, xa sirvan ó Estado, provincia, municipio, organismos autónomos ou empresas privadas de calquera índole.
     - Na solicitude de ingreso nas organizacións profesionais, previstas na lei sindical e nos rexistros correspondentes, así como nas solicitudes para se inscribir en calquera colexio ou entidade profesional.
     - Na solicitude de ingreso en calquera asociación política.
     - Na solicitude para tomar parte en oposicións e concursos e para se matricular en calquera centro docente, aínda que estea rexido por estranxeiros ou aínda que a matrícula fose gratuíta.
     - Na declaración necesaria para a inscrición no padrón municipal.
     - Nas fichas de xogadores cumprimentadas polos servizos de admisión dos casinos e salas de xogo (modificado polo artigo 1.4 do Real Decreto 2002/1979, de 20 de xullo).
     - Nas solicitudes para a concesión de bolsas, subvencións ou calquera outro tipo de axuda oficial.
     - No documento de apertura de contas e cartillas de aforro en bancos e caixas de aforros, así como nos que conste toda clase de operacións efectuadas en Bolsa, montes de piedade e casas de compravenda.
     - Nas solicitudes presentadas e nas comparecencias formuladas persoalmente ou por escrito ante calquera autoridade ou funcionario público, notarios, rexistradores, tribunais, xulgados e oficinas públicas en xeral.
     - Nos partes de viaxeiros para se inscribir en hoteis, residencias, fondas, pensións, casas de hóspedes e establecementos similares.
     - Nos permisos ou licenzas de conducir.
     - Nos pasaportes.
     - Nas guías, licenzas e permisos de armas, así como nas licenzas de caza e pesca.
     - Nos contratos subscritos para alugueiros de aloxamentos de carácter turístico ou de tempada e de automóbiles de turismo.
     - Nos libros-rexistro ou nas declaracións e carta de porte dos transportes terrestres, marítimos ou aéreos.
     - Nos documentos de natureza tributaria en que así veña esixido por disposicións legais ou regulamentarias.

E, en xeral, en toda solicitude, rexistro ou documento preciso para os actos públicos ou privados en que sexa necesario deixar constancia da identidade persoal do interesado.