A subscrición deste convenio especial proporciona cobertura respecto á xubilación, incapacidade permanente ou morte e supervivencia, independentemente da causa que orixine a mesma.

Para todos os efectos, a base de cotización será a base mínima establecida en cada momento.

O ingreso das cotas farase nos prazos regulamentarios establecidos ó efecto. No caso de traballadores emigrantes no estranxeiro o ingreso realizarase por trimestres vencidos e dentro do mes seguinte a aquel en que finaliza o trimestre natural.

A extinción deste convenio pódese producir, directamente, por falta de abono das cotas nos prazos. Para aqueles que non residan en España a extinción do convenio se producirá pola falta de pagamento de dous trimestres vencidos.