Programas dirixidos á xuventude

 A programación xeral de actividades dirixidas aos mozos teñen como obxectivo implicar e facer partícipe á xuventude galega da diáspora na realización de proxectos creativos, formativos, de participación e intercambio cultural, aproveitando os avances tecnolóxicos como ferramenta básica na transmisión de información, ofrecéndolles espazos propios de intervención e responsabilizándose nunha labor histórica e colectiva común.
 
Os centros e entidades galegas necesitan novas accións que contribúan ao seu dinamismo e o seu mantemento no futuro, que só terá lugar da man dos máis novos, e, nese senso, poténcianse aquelas actividades abertas e participativas dirixidas principalmente aos descendentes de galegos.

¿Cómo se actúa?

Potenciando:

• Actividades culturais e deportivas, e de relación con Galicia e cos membros das distintas comunidades galegas do mundo.
• Concursos e eventos relacionados coa creación de ideas e de contidos culturais para o sector audiovisual.
• A formación dos máis novos no seo das comunidades galegas, con especial incidencia nos aspectos empresariais e ocupacionais, sen esquecer aquelas materias relacionadas coa cultura e cos signos de identidade de Galicia.
• Unha rede de información e de documentación xuvenil na diáspora.
• Intercambios xuvenís de comunidades galegas entre si ou con outras colectividades do mesmo país, que propicien actividades de educación para a paz, valores sociais e de interculturalidade, programas medio-ambientais, de promoción do voluntariado e de actividades creativas en xeral.
• Cursos, seminarios e conferencias que propicien o fomento e capacitación da xuventude no emprego das novas tecnoloxías, tales como técnicas informáticas, internet, correo electrónico, etc.
• A participación en foros de encontro, debates e xornadas en torno ás novas tecnoloxías, desenvolvidos especificamente para mozos.
• Tarefas de información, formación, deseño e implementación de programas e aplicacións informáticas que faciliten á xuventude o desenvolvemento das súas actividades.

Estas actuacións teñen xa o seu reflexo en programas como:

• Apoio á actividade cultural e deportiva:
  - Fondos bibliográficos.
  - Material deportivo
• Actividades formativas:
  - Cursos de lingua, literatura, historia e cultura galega.
  - Cursos de formación especializada.
  - Cursos de mestrías e tradicións galegas.
  - Cursos de danza e música galega.