Subvencións para o desenvolvemento de accións formativas ligadas á inserción laboral destinadas a persoas retornadas e inmigrantes – 2009

Programa

Nas políticas de inmigración e retorno a inserción laboral é un factor clave de integración social das persoas inmigrantes e retornadas. Neste eido, a formación ligada ao emprego é unha ferramenta especialmente eficaz para acadar dito obxectivo. Nesta consideración, no ano 2009 dáse continuidade á orientación dada no exercicio anterior aos programas de integración laboral, centrada no apoio a proxectos formativos con impacto no mercado de traballo.

Resolución

Resolución do 19 de decembro de 2008, da Secretaría Xeral de Emigración, pola que se establecen subvencións para o desenvolvemento de accións formativas ligadas á inserción laboral destinadas a persoas retornadas e inmigrantes e se procede á súa convocatoria.

Destinatarios

Organizacións empresariais, profesionais e sindicais, así como as entidades sen ánimo de lucro que teñan como finalidade instituída por norma estatutaria ou regulamentaria o desenvolvemento de actividades de integración laboral que abarque ao colectivo de persoas retornadas e inmigrantes.

Convocatoria

Diario Oficial de Galicia Nº2, del 5 de xaneiro de 2009

Prazo de presentación

Ata o 5 de febreiro de 2009, inclusive

Accións subvencionables

Serán subvencionables a través desta convocatoria as accións formativas que teñan unha clara conexión co emprego dirixidas, exclusiva ou conxuntamente, a persoas retornadas e inmigrantes, e que consistan na realización de cursos de formación para a mellora da cualificación profesional e da empregabilidade que recollan obxectivos cuantitativos de inserción laboral en ocupacións relacionadas coa formación impartida.

O importe máximo da subvención será de vinte mil euros (20.000,00 €) por entidade beneficiaria.

Contacto

• Secretaría Xeral de Emigración
  Subdirección Xeral de Planificación das Políticas do Retorno e da Inmigración
  c/ Basquiños, nº 2
  15704 Santiago de Compostela. A Coruña

Ano

2009

Información adicional

Consultar resolución

Guía do cidadán