Convenio bilateral entre España e Paraguai

¿A que persoas se aplica o Convenio?

Aos españois e paraguaios que traballen ou tiveran traballado nun ou en ambos os dous países e aos seus familiares.

¿Que prestacións se inclúen no Convenio?

Información xeral

O Convenio aplícase ás seguintes prestacións:

En relación con España:

Ás seguintes prestacións de carácter contributivo do sistema da Seguridade Social:

• Asistencia sanitaria por maternidade, enfermidade ou accidente.
• Prestacións por incapacidade temporal e maternidade.
• Prestacións por incapacidade permanente, vellez, morte e supervivencia.
• Prestacións por accidente de traballo e enfermidade profesional.
• Prestacións familiares.

En relación con Paraguai:

Ao réxime xeral da Seguridade Social e aos réximes especiais de traballadores ferroviarios e bancarios no que se refire ás seguintes prestacións:

• Asistencia sanitaria.
• Prestacións por incapacidade laboral transitoria.
• Prestacións por invalidez provisional e permanente.
• Prestacións por vellez e morte e supervivencia.
• Prestacións por accidente de traballo e enfermidade profesional.
• Prestacións familiares.

Respecto a estas prestacións hai que ter en conta que:

• Para adquirir as prestacións de carácter contributivo previstas no Convenio, pódense sumar os periodos de seguro cumpridos en España e en Paraguai.
• As prestacións económicas de carácter contributivo poderanse percibir con independencia de que o interesado resida ou se atope en España ou en Paraguai.
• Cada país abonará as súas propias prestacións directamente ao beneficiario.
• As persoas que reúnan os requisitos esixidos polas lexislacións de ambos os dous países para ter dereito a pensión contributiva, poderán percibir esta de cada un deles.
  

Asistencia sanitaria

A asistencia sanitaria recoñécea o país no que esté asegurado o traballador ou que abone a pensión e de acordo coa súa lexislación nacional.

Normalmente préstaa o país que a recoñece pero tamén poden recibila cando se trasladan ao outro país nos casos seguintes:

• Traballadores asegurados nun país así como os seus familiares que se despracen ao outro país temporalmente (p.ex.: vacacións) e que precisen de forma inmediata a asistencia sanitaria.
• Traballadores asegurados nun país e envaidos a traballar ao outro por un periodo non superior a doce meses e aos seus familiares.
• Pensionistas dun país que se atopen temporalmente no outro país.
  

As prestacións sanitarias sírvense no país onde se atope o beneficiario e segundo o establecido na lexislación sanitaria e nos Servizos Públicos de Saúde dese país, durante o tempo que autorice a Institución do país onde o traballador esté afiliado ou que abone a pensión.

Incapacidade Temporal e Maternidade

Para o recoñecemento destas prestacións súmanse, se é necesario, os periodos de seguro de ambos os dous países.

Invalidez, Vellez e Supervivencia

Cada país examinará por separado a solicitude de pensión na forma seguinte:

• A Institución competente de cada país determinará se o interesado acada dereito á pensión tendo en conta únicamente os periodos de seguro propios, sen sumar os do outro país.
• Asemade dita Institución determinará o dereito a pensión sumando aos periodos de seguro propios os acreditados no outro país. Neste suposto, o importe da pensión non será íntegro, senón segundo a proporción existente entre os periodos de seguro cumpridos no país que a otorgue e a suma dos periodos de España e Paraguai.
• Compararanse as prestacións calculadas segundo o indicado nos apartados anteriores e abonarase a prestación que sexa máis favorable ao interesado.
  

Accidente de Traballo e Enfermidade Profesional:

A prestación determinarase polo país a cuxa lexislación estivera suxeito o traballador no momento de producirse o accidente ou de contraerse a enfermidade.

Solicitude de prestacións

As solicitudes de prestacións españolas e paraguaias deberán dirixirse á Institución competente do país onde resida o interesado:

En España:

• O Centro de Atención e Información da Seguridade Social máis próximo ao seu domicilio (Instituto Nacional da Seguridade Social) ou
• As Direccións Provinciais do Instituto Social da Marina, cando se trate de traballadores incluidos no Réxime Especial de Traballadores do Mar.
  

En Paraguai:

• O Instituto de Previsión Social

Atención:

Se o interesado ou os seus causahabientes residen nun terceiro Estado deberán dirixir a súa solicitude á Institución do país (España ou Paraguai) baixo cuxa lexislación aquel estivo asegurado por última vez.

Para máis información consulta o texto completo do convenio: