Convenio bilateral entre España e Marrocos

¿A qué persoas se aplica o Convenio?

Aos españois e marroquíes que traballen ou tiveran traballado en ambos os dous países e aos seus familiares e superviventes.

A quen teña condición de apátridas ou de refuxiados e estén ou teñan estado sometidos á lexislación de un ou de ambos os dous países, así como aos seus familiares e superviventes.

¿Qué prestacións se inclúen no Convenio?

Información xeral

O Convenio aplícase ás seguintes prestacións:

En relación con España:

Ás seguintes prestacións de carácter contributivo do Sistema da Seguridade Social:

• Asistencia sanitaria por maternidade, enfermidade común ou profesional e accidentes sexan ou non de traballo.
• Prestacións por incapacidade temporal e maternidade.
• Prestacións por incapacidade permanente, vellez ou morte e supervivencia.
• Protección á familia.
• Reeducación e rehabilitación de inválidos.
• Asistencia social e Servizos Sociais.
  

En relación con Marrocos:

• A lexislación sobre o réxime de Seguridade Social.
• A lexislación sobre accidentes de traballo e enfermidades profesionais.
• As disposicións acordadas pola Autoridade pública relativa a réximes particulares de Seguridade Social en tanto cubran a asalariados ou asimilados e que sexan relativas aos riscos e prestacións da lexislación sobre os réximes de Seguridade Social.
  

Respecto a estas prestacións hai que ter en conta que:

• Para adquirir as prestacións de carácter contributivo previstas no Convenio pódense sumar os periodos de seguro cumpridos en España e en Marrocos.
• As prestacións económicas de carácter contributivo poderanse percibir con independencia de que o interesado resida ou se atope en España ou en Marrocos.
• Cada país abonará as súas propias prestacións directamente ao beneficiario.
• As persoas que reúnan os requisitos esixidos polas lexislacións de ambos ou dous países para ter dereito á pensión contributiva, poderán percibir esta de cada un deles.
  

Asistencia sanitaria

A asistencia sanitaria recoñecea o país no que esté asegurado o traballador ou que abone a pensión, e de acordo á súa lexislación nacional. Normalemte préstaa o país que a recoñece pero tamén poden recibila cando se despracen ou residan no outro país nos casos seguintes:

• Traballadores asegurados nun país así como os seus familiares, que se despracen temporalmente ao seu país de orixe por vacacións retribuidas ou ausencias autorizadas e que precisen de forma inmediata a asistencia sanitaria.
• Traballadores enfermos asegurados nun país que sexan autorizados a trasladarse ao outro país.
• Pensionistas dun país e os seus familiares que residan no outro país.
• Familiares do traballador que residan no outro país. As prestacións sanitarias sírvense no país onde se atope o beneficiario, e segundo o establecido na lexislación sanitaria e nos Servizos Públicos de Saúde dese país, durante o tempo que autorice a Institución do país onde o traballador esté afiliado ou que abone a pensión.
  

Incapacidade temporal e Maternidade

Para o recoñecemento destas prestacións súmanse, se é necesario, os periodos de seguro de ambos os dous países.

Invalidez, Vellez e Supervivencia

Cada país examinará por separado a solicitude de pensión na forma seguinte:

• Se o interesado acada dereito á pensión sen necesidade de sumar os periodos de seguro do outro país, concederáselle a pensión que lle corresponda tendo en conta, únicamente os seus propios periodos de seguro.
• Se o interesado non acada dereito á pensión segundo o apartado anterior, sumaránselle os periodos de seguro acreditados no outro país. O importe da pensión non será íntegro, senón segundo a proporción existente entre os periodos de seguro cumpridos no país que lle otorgue a suma dos períodos de España e Marrocos.
  

Accidente de Traballo e Enfermidade Profesional

A prestación determinarase polo país a cuxa lexislación estivera suxeito o traballador na data de producirse o accidente ou de contraerse a enfermidade.

Solicitude de prestacións

As solicitudes de prestacións españolas e marroquíes deberán dirixirse á Institución competente do país onde resida o interesado:

En España:

• O Centro de Atención e Información da Seguridade Social máis próximo ao seu domicilio (Instituto Nacional da Seguridade Social) ou
• as Direccións Provinciais do Instituto Social da Marina, cando se trate de traballadores incluidos no Réxime Especial de Traballadores do Mar.
  

En Marrocos:

• Caisse Nationale de Sécurité Sociale

Atención:

Se o interesado ou os seus causahabientes residen no territorio dun terceiro Estado, deberán dirixir a súa solicitude á Institución do país (España ou Marrocos) baixo cuxa lexislación aquel estivo asegurado por última vez.

Outros datos de interese

A aplicación do Convenio permite o exame do dereito a prestacións por continxencias que tiveran lugar con anterioridade á data da súa entrada en vigor, se ben o abono das mesmas non se efectuará en ningún caso por periodos anteriores a dita data.

Para máis información consulta o texto completo do convenio: