Ven a Galicia, ben en Galicia

Nome de programa

Ven a Galicia, ben en Galicia

Características

Programa Ven a Galicia, ben en Galicia para residentes no exterior, que ten por obxecto convocar as axudas correspondentes ao programa Ven a Galicia, ben en Galicia orientado a ofrecer un tempo de lecer aos emigrantes galegos residentes en Europa e aos naturais de Galicia asentados noutras comunidades autónomas de España, para gozar e coñecer a realidade actual do noso país, con actividades de convivencia e culturais referidas á nosa lingua, historia, así como aos nosos costumes tradicionais.

Así mesmo, poderán ser beneficiarios as persoas unidas a eles por matrimonio, unión de feito ou relación análoga.

Os beneficiarios gozarán dunha estadía máxima de 14 días desde o 18 de novembro ao 1 de decembro de 2008 nunha residencia de tempo libre ou noutro establecemento residencial de Galicia xestionado pola Vicepresidencia da Igualdade e do Benestar, que colabora coa realización deste programa.

Resolución

Resolución do 8 de maio de 2008, da Secretaría Xeral de Emigración, pola que convocan e regulan as axudas correspondentes ao programa Ven a Galicia, ben en Galicia para residentes no exterior durante o ano 2008.

Destinatarios

Poderán ser solicitantes deste programa os emigrantes galegos residentes en Europa e os naturais de Galicia que residan noutras comunidades autónomas de España, cumprindo os seguintes requisitos:

1. Ter a nacionalidade española.
2. Residir noutra comunidade autónoma de España ou noutro país de Europa
3. Ter sesenta ou máis anos de idade
4. Non ter participado, nos últimos cinco anos naturais, en anteriores edicions deste programa.
5. Ser válido por si mesmo e non padecer trastornos psicofísicos que alteren a normal convivencia.
6. Non ter recursos economicos suficientes. Consideranse recursos economicos insuficientes cando os ingresos per cápita da unidade economica familiar sexan inferiores a 2,5 veces o importe do salario mínimo interprofesional relativo ao ano 2008 no país de residencia do solicitante.

Poderán tamén ser beneficiarios as persoas unidas por matrimonio, unión de feito ou relación análoga aos solicitantes do programa

Convocatoria

Diario Oficial de Galicia (16/05/08)

Prazo

Ata o 16 de xuño

Promovido por

Secretaría Xeral de Emigración

Tipo de axuda

A Secretaría Xeral de Emigración farase cargo da viaxe dos seleccionados desde os lugares de partida fixados pola Secretaría Xeral de Emigración ata os lugares de destino designados en Galicia.

A Vicepresidencia da Igualdade e do Benestar colaborará neste programa poñendo a disposición dos beneficiarios todos os servizos de aloxamento e manutención durante o período de estadía na residencia de tempo libre.

Lugar e data de realización

Residencia de tempo libre de O Carballiño (Ourense): do 18 de novembro ao 1 de decembro de 2008.

Observacións

Será por conta dos participantes o período de estadía, unha vez rematada a estadía no centro residencial, ata completar un período máximo de 3 meses

Os traslados do participantes efectuaranse desde os puntos de recollida ata o establecemento residencial. Os participantes residentes noutras comunidades autonomas de España e en Portugal aboaran 50 € en concepto de parte do pagamento dos gastos de traslado. Os residentes noutros países europeos deberán aboar 90 € polo mesmo concepto. O resto dos gastos de traslado por liña regular correran a cargo da Secretaria Xeral de Emigración. Os participantes que se trasladen pola súa conta e asi o recolla na sua solicitude non realizaran ningun pagamento.

Contacto

• Secretaría Xeral de Emigración:
  Servizo de Atención Social aos Emigrantes
  Teléfonos: 981.545.880 - 981.545.547.269
  Fax: 981.957.055
  e-mail: accion.social.emigracion@xunta.es.

Ano: 2008

Información adicional

Consultar resolución