Traballadores e pensionistas

Convenio especial para a cobertura da asistencia sanitaria a emigrantes traballadores e pensionistas dun sistema de previsión social estranxeiro que retornen a territorio nacional e a familiares destes.
Orde TAS 72865/2003 de 13 de outubro (entrada en vigor o 01-04-2004).

Esta modalidade de convenio especial ten como obxecto o outorgamento das prestacións de asistencia sanitaria, dentro do territorio español, polas continxencias comúns de accidente non laboral, enfermidade común, maternidade e risco durante o embarazo. Faranse extensibles a tratamentos que fosen precisos como consecuencia de accidente de traballo ou enfermidade profesional acaecidos no estranxeiro ao emigrante retornado ou desprazado titular do convenio.

Persoas que poden subscribir este convenio:

• Os españois que sexan pensionistas dun sistema de previsión social estranxeiro cando, ao trasladar a súa residencia a España, non teñan dereito á asistencia sanitaria por conta e a cargo do país estranxeiro. Tamén poderán solicitalo os familiares, que estivesen incluídos como beneficiarios no convenio especial de asistencia sanitaria do causante no momento do falecemento deste.
• Así mesmo, poderán solicitar e subscribir esta modalidade de convenio, os traballadores españois retornados a España que, despois de ter desenvolto as súas actividades laborais no estranxeiro, non tiveran dereito por título algún ás prestacións de asistencia sanitaria de acordo coas disposicións da lexislación de Seguridade Social española, as do Estado de procedencia ou dos convenios establecidos para o efecto. Tamén poderán subscribilo os familiares de emigrantes españois que, no momento do falecemento destes, estivesen ao seu cargo e non tiveran dereito por outro título ás prestacións de asistencia sanitaria obxecto desta modalidade de convenio.

Solicitude

Efectuarase ante a Dirección Provincial da Tesourería Xeral da Seguridade Social onde teña o seu domicilio, ou en calquera das súas Administracións.

Esta modalidade de convenio especial poderá ser formulada polo interesado en calquera momento posterior á data de retorno ou desprazamento temporal ao territorio español ou ao traslado da súa residencia a España.

As solicitudes dos familiares que poidan subscribir este convenio poderán formularse desde o día seguinte ao da data de falecemento do causante, se aquel se produce en territorio español, ou desde a data de retorno a España dos seus familiares, se a defunción do emigrante ten lugar a partir do día de presentación da solicitude correspondente.

O subscritor deberá aboar a cota establecida para o efecto.

Voltar