¿A que persoas se aplica o Convenio?
Ás persoas que traballen ou traballaran nun ou ambos os dous países e aos seus familiares e dereitohabientes.
¿Que prestacións se inclúen no Convenio?
Información Xeral
O Convenio aplícase ás seguintes prestacións:
En relación con España:
Ás seguintes prestacións de carácter contributivo do Sistema de Seguridade Social:
- Asistencia sanitaria por maternidade ou enfermidade ou accidente.
- Prestacións económicas por incapacidade temporal e maternidade.
- Prestacións por incapacidade permanente, vellez ou morte e supervivencia.
- Protección familiar.
- Prestacións por accidente de traballo e enfermidade profesional.
En relación con Brasil:
Ás seguintes prestacións do Réxime Xeral da Seguridade Social:
- Asistencia médica, farmacéutica e odontolóxica, ambulatoria e hospitalaria.
- Prestacións por incapacidade laboral temporal.
- Prestacións por invalidez.
- Prestacións por tempo de servizo.
- Prestacións por vellez e morte.
- Prestacións por natalidade.
- Prestacións por accidente de traballo e enfermidade profesional.
- Salario familiar.
Respecto a estas prestacións hai que ter en conta que:
- Para adquirir as prestacións de carácter contributivo previstas no Convenio, pódense sumar os periodos de seguro cumpridos en España e Brasil.
- As prestacións económicas de carácter contributivo poderanse percibir con independencia de que o interesado resida ou se atope en España ou en Brasil.
- Cada país abonará as súas propias prestacións directamente ao beneficiario.
- As persoas que reúnan os requisitos esixidos polas lexislacións de ambos os dous países para ter dereito a pensión contributiva, poderán percibir esta de cada un deles.
Asistencia sanitaria
A asistencia sanitaria recoñécea o país no que esté asegurado o traballador ou que abone a pensión, dacordo coa súa lexislación nacional.
Normalmente préstaa o país que a recoñece pero tamén poden recibila cando se despracen ou residan no outro país nos casos seguintes:
- Traballadores asegurados nun país así como os seus familiares, que se despracen ao outro país temporalmente (por ex.: vacacións) e que precisen de forma inmediata a asistencia sanitaria.
- Traballadores asegurados nun país e enviados a traballar a outro por un periodo non superior a tres anos ou a dous anos se se trata de traballadores por conta propia.
- Pensionistas dun país e os seus familiares que se atopen ou residan noutro país. Durante a estancia temporal so teñen dereito a prestacións por necesidade inmediata.
- Familiares do traballador que residan no outro país. As prestacións sanitarias sírvense no país onde se atope o beneficiario, e segundo o establecido na lexislación sanitaria e nos Servizos Públicos de Saúde dese país, durante o tempo que autorice a Institución do país onde o traballador esté afiliado ou que abone a pensión.
Incapacidade temporal e Maternidade
Para o recoñecemento destas prestacións súmanse, se é necesario, os periodos de seguro de ambos os dous países.
Invalidez, Vellez, Tempo de Servizo e Supervivencia
Cada país examinará por separado a solicitude de pensión na forma seguinte:
- A Institución competente de cada país determinará se o interesado acada dereito á pensión tendo en conta únicamente os periodos de seguro propios, sen sumar os do outro país.
- Asemesmo, dita Institución determinará o dereito a pensión sumando aos periodos de seguro propios os acreditados no outro país. Neste suposto, o importe da pensión non será íntegro, senón segundo a proporción existente entre os periodos de seguro cumpridos no país que a otorgue e a suma dos periodos de España e Brasil.
- Unha vez determinados os dereitos do interesado segundo o indicado nos apartados anteriores, a Institución competente de cada país recoñecerá e abonará a pensión que sexa máis favorable ao interesado.
Accidente de Traballo e Enfermidade Profesional
A prestación determinarase polo país a cuxa lexislación estivese suxeito o traballador na data de producirse o accidente ou de contraerse a enfermidade.
Solicitude de prestacións
As solicitudes de prestacións españolas e brasileñas deberán dirixirse á Institución competente do país onde resida o interesado:
En España:
- O Centro de Atención e Información da Seguridade Social máis próximo ao seu domicilio (Instituto Nacional da Seguridade Social) ou
- as Direccións Provinciais do Instituto Social da Marina, cando se trate de traballadores incluidos no Réxime Especial dos Traballadores do Mar.
En Brasil:
- O Instituto Nacional do Seguro Social.
Atención:
Se o interesado ou os seus causahabientes residen nun terceiro estado deberán dirixir a súa solicitude á Institución do país (España ou Brasil) baixo cuxa lexislación aquel estivo asegurado por última vez.
Outros datos de interese
- As prestacións que foran concedidas por un ou ambos os dous países antes da entrada en vigor do Convenio, serán revisadas, a petición dos interesados, ao amparo do mesmo.
- A aplicación do Convenio permite o exame do dereito a prestacións por continxencias que tiveran lugar con anterioridade á data da súa entrada en vigor, se ben o abono das mesmas non se efectuara por periodos anteriores a dita data, agás que a lexislación interna o permita.
Para máis información consulta o texto completo do Convenio: |
