Que é GaliciaAberta?É o espazo de referencia en Internet para os cidadáns galegos que residen no exterior, os cidadáns inmigrantes que se asentan en Galicia e aqueles que retornaron ou se atopan inmersos no proceso de retorno. Ante todo é un proxecto de carácter dinamizador e vertebrador, en tanto en canto as TIC (Tecnoloxías da Información e das Comunicacións) nos sirven de cauce para entablar novas formas de relación entre a administración e os colectivos mencionados. A quen vai dirixido o proxecto?Os principais destinatarios da iniciativa son emigrantes galegos e os seus descendentes, retornados e inmigrantes. Que ofrece GaliciaAberta?- Un espazo de información, onde se poida ter acceso a toda a actualidade sobre os movementos migratorios (centros galegos, asociacións de retornados e inmigrantes, novas, eventos, vida cultural no exterior, programas, axudas, etc.)
- Un espazo de opinión, a través do que as entidades mencionadas poidan transmitirlle á súa administración todo o que consideren do seu máximo interese. Desta forma, os programas a desenvolver poderán adaptarse máis eficazmente ás necesidades reais detectadas no eido dos movementos migratorios.
- Un espazo de transacción, polo que se achegan ferramentas e servizos de valor engadido cos que optimizar a presencia en Internet de emigrantes, inmigrantes e retornados. Unido a isto existe un amplo elenco de ferramentas de comunidade, como foros, enquisas, taboleiro, novas, boletíns, correo electrónico...Sen obviar outros servizos de valor como a posibilidade de buscar a amigos ou familiares cos que se perdeu o contacto a través do servizo "Raíces".
- Un espazo de difusión, que permita levar a galeguidade e o máis representativo da mesma a todos os rencóns do mundo, converténdose nunha das máis grandes comunidades virtuais da rede.
Que organismo está detrás desta iniciativa?A Secretaría Xeral de Emigración, como unidade responsable, dentro da administración autonómica galega, de definir, diseñar e exectuar as políticas a levar a cabo cos movementos migratorios. Queres saber algo máis?Contacta con nós a través de calquera dos seguintes medios: Consulta a estrutura orgánica detallada da Secretaría Xeral de Emigración. |
