DNI

É o documento público que acredita a auténtica personalidade do seu titular, constituíndo o xustificante completo da súa identidade. Salvo proba en contrario, serve para acreditar a nacionalidade española do seu titular e os datos persoais que consigna.

Todos os españois teñen dereito a obter o DNI desde o momento da súa inscrición no Rexistro Civil. Os maiores de 14 anos están obrigados a posuílo, custodialo e conservalo.

Só se pode tramitar nas Oficinas do DNI en España. Os españois residentes no estranxeiro obterano en España, necesitando para isto un certificado da Oficina Consular que acredite o lugar de residencia no estranxeiro. O DNI remitirase á Oficina Consular do lugar onde resida o solicitante, e só poderá ser entregado ao mesmo persoalmente.

Cando os españois residentes no estranxeiro retornen definitivamente a España, deberán renovar o seu DNI para que conste, en lugar do domicilio no estranxeiro, o do seu empadroamento no noso país.

Tramitación do DNI

a) Primeira expedición:

• 2 fotografías en cor recentes, de fronte, sen gafas escuras e sobre fondo claro.
• Certificado en EXTRACTO da partida de nacemento especial para a obtención do DNI, que se solicita no Rexistro Civil que corresponda; ou no seu caso Certificado de Inscrición da nacionalidade española.
• Impreso de solicitude debidamente cumprimentado. Si o solicitante é menor de idade ou incapacitado, deberá incluír o DNI da persoa que o represente e acreditará o domicilio do mesmo.

b) Renovación:

- Por caducidade:

• 2 fotografías en cor recentes, de fronte, sen gafas escuras e sobre fondo claro.
• DNI caducado o próximo a caducar.
• Impreso correspondendo debidamente cumprimentado.

- Por extravío, substracción ou deterioro:

• 3 fotografías en cor recentes, de fronte, sen gafas escuras e sobre fondo claro.
• Cumprimentar un impreso, facilitado na oficina correspondente.

- Por cambio de datos de filiación ou de domicilio:

• Certificado de inscrición de nacemento, figurando a modificación de datos de filiación ou alta no padrón municipal.
• 2 fotografías en cor recentes, de fronte, sen gafas escuras e sobre fondo claro.
• DNI anterior.
  

Voltar