Axudas e subvencións correspondentes a diversos programas de actuación en favor das comunidades galegas no exterior

Proxectos promovidos pola xuventude

Nome do programa

Programa 4 . Axudas para a realización de proxectos promovidos pola xuventude.

Este programa ten por obxecto implicar e facer partícipe a xuventude vinculada aos colectivos de galegos residentes no exterior na realización de proxectos creativos, formativos, de participación e de intercambio cultural que fomenten a integración dos mozos e mozas nas estruturas orgánicas das entidades galegas no exterior, garantindo deste xeito a renovación xeracional.

Resolución

Resolución do 25 de febreiro de 2008, da Secretaría Xeral de Emigración, pola que se establecen as bases reguladoras e se convocan as axudas e subvencións correspondentes a diversos programas de actuación en favor das comunidades galegas no exterior para o exercicio 2008.

Destinatarios

Entidades galegas que teñan recoñecida a galeguidade ou a súa condición de centro colaborador, así como aquelas institucións e asociacións sen fins de lucro radicadas no exterior, legalmente constituídas e que contribúan a favorecer a difusión e preservación do patrimonio cultural galego no exterior.

As ditas entidades deberán contar cunha sección ou comisión xuvenil legalmente constituída nos seus órganos de goberno ou ben dispoñer dun grupo de mozos constituído para o efecto, capaces de xestionar e desenvolver algunha das finalidades obxecto de subvención.

Convocatoria

Diario Oficial de Galicia nº47, do 6 de marzo de 2008.

Promovido por

Secretaría Xeral de Emigración.

Prazo de presentación

Ata o 21 de abril de 2008. As solicitudes dirixiranse á Secretaría Xeral de Emigración.

Finalidade das axudas.

• Intercambios xuvenís de grupos de mozos e mozas pertencentes ás comunidades galegas para a realización de actividades culturais, musicais, deportivas e sociais.
• Formación específica dos mozos e mozas para o coñecemento e emprego das novas tecnoloxías da comunicación.
• Promoción de actividades deportivas en calquera especialidade e fomento das escolas deportivas para a promoción do deporte de base.
• Creación e apoio de grupos de teatro, música e danza.
• Realización de actividades culturais destinadas especificamente ao colectivo de mozos e mozas da colectividade.
• Creación de foros de debate e intercambio cultural entre mozos da emigración e mozos galegos, así como entre intelectuais, científicos e expertos en diversos eidos, de Galicia e do país onde estes foros teñan lugar.

Prazo de execución e xustificación

A acción subvencionada deberá ser executada e xustificada antes do 10 de decembro de 2008.

Contacto

• Secretaría Xeral de Emigración
  Rúa Basquiños nº 2. C.P.: 15704
  Santiago de Compostela - A Coruña

Ano

2008

Información adicional:

Consultar a resolución.

Guía do Cidadán