¿A que persoas se aplica o Convenio?
Ás persoas que traballen ou tiveran traballado nun ou en ambos os dous países así como aos seus causahabientes.
¿Que prestacións se inclúen no Convenio?
Información xeral
O Convenio aplícase ás seguintes prestacións:
En relación con España:
Ás seguintes prestacións de carácter contributivo do Sistema da Seguridade Social:
- Prestacións por invalidez provisional derivada de enfermidade común ou accidente non laboral.
- Prestacións por vellez.
- Prestacións por incapacidade permanente, morte e supervivencia por enfermidade común ou accidente non laboral.
En relación con Estados Unidos:
Aplícase o programa federal de Seguro de Vellez, Supervivencia e Invalidez.
Respecto a estas prestacións hai que ter en conta que:
- Para adquirir as prestacións de carácter contributivo previstas no Convenio pódense sumar os períodos de seguro cumpridos en Espeña e en Estados Unidos.
- As prestacións económicas de carácter contributivo poderanse percibir con independencia de que o interesado resida ou se atope en España e en Estados Unidos.
- Cada país abonará as súas propias prestacións directamente ao beneficiario.
- As persoas que reúnan os requisitos esixidos polas lexislacións de ambos os dous países para ter dereito a pensión contributiva poderán percibir esta de cada un deles.
Vellez, invalidez e supervivencia
Cada país examinará por separado a solicitude de pensión na forma seguinte:
- Se o interesado acada dereito á pensión sen necesidade de sumar os períosodos de seguro do outro país, concederáselle a pensión que lle corresponda tendo en conta, unicamente, os seus propios periodos de seguro.
- Se o interesado non acada dereito á pensión segundo o apartado anterior, sumaranse os periodos de seguro acreditados no outro país. O importe da pensión non será íntegro, senón segundo a proporción existente entre os períodos de seguro cumpridos no país que lle outorgue e a suma dos períodos de España e Estados Unidos.
Solicitude de prestacións
As solicitudes de prestacións españolas e estadounidenses deberán dirixirse á Institución competente do país onde resida o interesado.
En España:
- O Centro de Atención e Información da Seguridade Social máis próximo ao seu domicilio (Instituto Nacional da Seguridade Social) ou
- as Direccións Provinciais do Instituto Social da Marina, cando se trate de traballadores incluidos no Réxime Especial de Traballadores do Mar
En Estados Unidos:
- Social Security Administration
Para máis información consulta o texto completo do convenio:
| 
