¿A que persoas se aplica o Convenio? Aos españois e filipinos que traballen ou tiveran traballado nun ou en ambos os dous países, así como aos membros da súa familia e dereitohabientes. Asemade, aplícase aos traballadores refuxiados e aos apátridas que residan habitualmente no territorio dun dos dous países, así como aos membros das súas familias e dereitohabientes.
¿Que prestacións se inclúen no Convenio? Información xeralO Convenio aplícase ás seguintes prestacións:
En relación con España: Ás seguintes prestacións de carácter contributivo do sistema da Seguridade Social:
- Prestacións por incapacidade temporal por enfermidade común e accidente non laboral e por maternidade.
- Prestacións por incapacidade permanente, xubilación e morte ou supervivencia.
- Prestacións por accidente de traballo e enfermidade profesional.
En relación con Filipinas:Ás seguintes prestacións económicas:
- Invalidez temporal, maternidade, enfermidade e accidente non labora.
- Xubilación.
- Invalidez parcial ou total.
- Morte ou supervivencia.
- Accidente de traballo e enfermidade profesional.
Respecto a estas prestacións hai que ter en conta que:
- Para adquirir as prestacións de carácter contributivo previstas no Convenio pódense sumar os periodos de seguro cumpridos en España e en Filipinas.
- As prestacións económicas de carácter contributivo poderanse percibir con independencia de que o interesado resida ou se atope en España ou en Filipinas.
- Cada país abonará as súas propias prestacións directamente ao beneficiario. As persoas que reúnan os requisitos esixidos polas lexislacións de ambos os dous países para ter dereito a pensión contributiva, poderán percibir esta de cada un deles.
Incapacidade temporalPara o recoñecemento destas prestacións súmanse, se é necesario, os periodos de seguro de ambos os dous países.
Invalidez, Xubilación e SupervivenciaCada país examinará por separado a solicitude de pensión na forma seguinte:
- Se o interesado acada dereito á pensión sen necesidade de sumar os periodos de seguro do outro país, concederáselle a pensión que lle corresponda tendo en conta, únicamente, os seus propios períodos de seguro.
- Se o interesado non acada dereito á pensión segundo o apartado anterior, sumaranse os periodos de seguro acreditados no outro país. O importe da pensión non será íntegro, senón segundo a proporción existente entre os periodos de seguro cumpridos no país que lla otorgue e a suma dos periodos de España e Filipinas.
Accidente de Traballo e Enfermidade ProfesionalA prestación determinarase polo país a cuxa lexislación estivera suxeito o traballador na data de producirse o accidente ou de contraerse a enfermidade.
Solicitude de prestacións As solicitudes de prestacións españolas e filipinas deberán dirixirse á Institución competente do país onde resida o interesado.
En España:
- Centro de Atención e Información da Seguridade Social máis próximmo ao seu domicilio (Instituto Nacional da Seguridade Social) ou
- as Direccións Provinciais do Instituto Social da Marina, cando se trate de traballadores incluidos no Réxime Especial dos Traballadores do Mar.
En Filipinas: - Social Security System Office of Deputy Administrator Legal and Administration of International Relations.
|
