Actividades de campamentos: modalidade campos de traballo

Programa ao que pertence:

Actividades de campamentos e campos de traballo dirixidos a mozos e mozas de orixe galega ou descendentes de galegos e que residan no exterior.

Programa que promove o achegamento dos mozos e mozas pertencentes ás comunidades galegas no exterior, á realidade social e cultural do pobo galego, así como a colaboración na recuperación do patrimonio cultural e arquitectónico. Ao tempo, os participantes desenvolven actividades recreativas, culturais, turísticas, deportivas e de tempo libre.

Resolución:

Resolución do 1 de febreiro de 2008, da Secretaría Xeral de Emigración, pola que se convoca e regula o programa de axudas para a participación en actividades de campamentos e campos de traballo dirixidos a mozos e mozas de orixe galega ou descendentes de galegos e que residan no exterior.

Destinatarios:

Mozos e mozas de orixe galega ou descendentes de galegos e que residan no exterior.

Requisitos dos beneficiarios:

Poderán ser beneficiarios deste programa os mozos e mozas que, residindo fóra de Galicia, cumpran os seguintes requisitos (acreditados suficientemente coa documentación que acompaña á solicitude de participación):

• Ter nacido en Galicia ou ser descendente de galego ata o segundo grao de consanguinidade.
• Ter nacionalidade española.
• Atoparse vinculado con calquera concello galego no censo electoral de residentes ausentes (CERA).
• Ter unha idade entre 18 e 30 anos, o 30 de xuño de 2008.
• Non contar con ingresos superiores, en renda per cápita, a 2.5 veces o salario mínimo interprofesional ou equivalente, de referencia para 2008, do país de residencia do solicitante.

Prazas:

18 prazas.

Datas de celebración :

• do 1 ao 15 de xullo
• do 16 ao 30 de xullo
• do 1 ao 15 de agosto

Convocatoria:

D.O.G. (Diario Oficial de Galicia) Nº 29 , 11 de febreiro de 2008

Promovido por:

Secretaría Xeral de Emigración coa colaboración da Vicepresidencia da Igualdade e do Benestar da Xunta de Galicia a través da súa Dirección Xeral de Xuventude e Solidariedade.

Ano: 2008

Prazo de presentación: Ata o 12 de marzo de 2008.

NOTA INFORMATIVA

A Secretaría Xeral de Emigración mediante Resolución do 1 de febreiro de 2008 (DOG num. 29, do 11 de febreiro de 2008), convocou para o exercicio 2008, o programa de axudas para a participación en actividades de campamentos e campos de traballo dirixidos a mozos e mozas de orixe galega ou descendentes de galegos que residan no exterior.

Por resolución de 7 de marzo de 2008 da Secretaria Xeral de Emigración, publicada no DOG num. 50 de 11 de marzo de 2008, acordase AMPLIAR O PRAZO DE PRESENTACIÓN DE SOLICITUDES DE ACTIVIDADES DE CAMPAMENTOS E CAMPOS DE TRABALLO ATA O DIA 18 DE MARZO DE 2008.

Lugar de presentación:

• Secretaría Xeral de Emigración ou en calquera dos lugares previstos no artigo 38.4º da Lei 30/1992, do 26 de novembro.
• Na Delegación da Xunta de Galicia en Bos Aires.

Nas entidades colaboradoras que se sinalan a continuación, habilitadas para a presentación telemática das súas solicitudes:

* En Brasil:

• Peña Galega da Casa de España (Río de Janeiro).
• Real Sociedad Española de Beneficencia (Salvador-Bahía)
• Sociedade Hispano Brasileira de Socorros Mutuos e Instruçao (Sao Paulo).
• Sociedade de Socorros Mutuos e Beneficente Rosalía de Castro (Santos).

* En Uruguai:

• Unión de Sociedades Gallegas (Montevideo).

* En Venezuela:

• Hermandad Gallega de Venezuela (Caracas).

Nota:

Para a presentación destas solicitudes, os interesados poderán tamén utilizar o Rexistro Telemático da Xunta de Galicia. Para iso deberán posuír un certificado dixital expedido pola Fábrica Nacional de Moeda e Timbre (Real Casa da Moeda).

Non obstante, aqueles que non conten co dito certificado poden dirixise ás entidades colaboradoras, nas que hai persoas habilitadas para presentar na Secretaria Xeral de Emigración, por vía telemática, as solicitudes destes particulares, facendo constar a autorización dos mesmos.

Tipo de axuda:

Para os mozos procedentes de América, Oceanía e doutros países de Europa, financiamento do 100% do custo dos billetes de transporte desde o seu lugar de orixe ata o aeroporto de destino en Galicia. Traslado dende aeroporto de chegada ata os albergues ou aloxamentos.

Os participantes procedentes de España percibirán unha axuda de custo para a viaxe a Galicia por importe máximo de douscentos vintecinco euros (225 €), polo gasto realizado nun medio de transporte público e sempre en clase turista. No caso excepcional de utilizar un vehículo particular a contía a indemnizar será de 0,19 euros por quilómetro, ata o máximo previsto. (De todos estes gastos os participantes deberán aportar a documentación xustificativa, facéndose cargo destas axudas a Secretaría Xeral de Emigración).

O aloxamento e manutención é gratuíto, correndo a cargo da Dirección Xeral de Xuventude e Solidariedade (Vicepresidencia da Igualdade e do Benestar).

Cobertura sanitaria:

Os participantes gozarán durante a súa estadía en Galicia (non aplicable no resto de España) de asistencia sanitaria de urxencias, durante un período máximo de 3 meses.

Contacto:

• Entidades galegas no exterior
• Entidades colaboradoras habilitadas
• Secretaría Xeral de Emigración:
  Servizo de Acción Socio-Cultural
  Teléfonos: 981545837 – 981547277 - 981547278
  Fax: 981547295 - 981957055
  e-mail: accion.cultural.em.sc@xunta.es.

Observacións:

Trátase de actividades de colaboración desinteresada e voluntaria en traballos diversos (arqueoloxía/social, ambiental, cultural-etnográfica, ...) na procura dun maior coñecemento da nosa cultura, da mellora ambiental do noso contorno e da recuperación do patrimonio cultural e arquitectónico.

Información adicional:

É obrigatorio, para todos os solicitantes, cubrir totalmente o anexo B. É obrigatorio para os solicitantes de 18 ou máis anos, residentes fóra de España, acreditar que se atopan vinculados con calquera concello galego no Censo Electoral de Residentes Ausentes (CERA).

Consultar Resolución de convocatoria.

Guía do cidadán

Listas provisionais de admitidos e excluídos