Programa de formación e desenvolvemento empresarial para a Galicia Exterior

Tendo en conta o importante crecemento do retorno de emigrantes españois e os seus descendentes rexistrado nos últimos anos, así como o interese demostrado en levar adiante proxectos empresariais vinculados a Galicia desde o seu país de residencia, a Fundación Galicia Emigración, sobre a base dos seus coñecementos e experiencia neste ámbito, deseñou o Programa de Formación e Desenvolvemento Empresarial para a Galicia Exterior, dirixido aos emigrantes galegos e os seus familiares.

Deste xeito, o Programa anticípase ás necesidades de información, formación e asesoramento que, sobre as características, condicións e oportunidades do mercado de traballo español en xeral, e galego en particular, requiren os emigrantes galegos e os seus descendentes interesados en iniciar actividades comerciais vinculadas a Galicia. Proporciona tamén, as ferramentas necesarias para a posta en marcha dun proxecto viable, de autoemprego ou de creación de empresa, a quen teñen a intención de retornar a Galicia, tendo en conta a capacidade emprendedora característica deste colectivo, así como, a experiencia adquirida no país no que residen.

Obxectivos:

• Apoiar ás comunidades galegas no exterior, na súa inserción laboral cara ao retorno a Galicia.
• Favorecer a ampliación das súas oportunidades laborais e de desenvolvemento profesional desde o seu país de residencia.
• Fomentar o espírito e as iniciativas emprendedoras dos nosos emigrantes e os seus familiares.
• Contribuír ao achegamento e o intercambio empresarial entre Galicia e os países de emigración, facilitando a identificación de oportunidades de negocio no mercado de traballo galego.
• Canalizar o acceso ao financiamento de proxectos viables a desenvolver na Comunidade Autónoma, mediante liñas de Microcrédito.
• Favorecer a xeración de redes de contacto.

Beneficiarios

Emigrantes galegos e os seus familiares (cónxuxe, fillos e/ou netos) con ideas emprendedoras nas seguintes vertentes:

• Proxectos de autoemprego ou creación de empresa en Galicia, como vía de inserción laboral tras o retorno.
• Ampliación de mercados, mantendo o seu lugar de residencia habitual, xa sexa, a través da xeración de negocios internacionais, como de servizos profesionais destinados a empresas e/ou entidades españolas.
• Proxectos de diversificación empresarial para aqueles empresarios que, sen retornar, deciden crear unha empresa e investir en Galicia e/ou no resto de España.

Descrición:

O Programa desenvólvese a través de clases teórico-prácticas e titorías individualizadas, proporcionando ao participante ferramentas de xestión empresarial, así como información detallada para o inicio de actividades empresariais en Galicia ou vinculadas á nosa Comunidade Autónoma.

1- Formación do emprendedor:

En sesións conxuntas, os participantes reciben a formación necesaria para a xestión empresarial:

• Guía para a creación do Plan De Viabilidade - Organización da empresa
• Comercial - Marketing
• Finanzas
• Xurídico - Fiscal - Laboral
• Nocións de comercio exterior
• Nocións de Medioambiente – Calidade - Uso de Internet
• Xestións para a constitución de empresas en Galicia
• Fontes de financiamento para PYMES - Microcréditos
• Axudas e subvencións a PYMES e emprendedores/as

2. - Consultoría activa e individualizada

A través da consultoría activa e individualizada de cada unha das áreas impartidas, analízase a viabilidade do proxecto, e elabórase o Plan de Empresa, documento de suma utilidade para o promotor na súa calidade de guía de planificación empresarial, así como para a súa presentación ante entidades financeiras e programas de apoio, públicos e/ou privados, a emprendedores/as.

3. Seguimento e titorización

Unha vez finalizado o programa, o/a emprendedor/a enfróntase ao reto de poñer en marcha e consolidar o seu proxecto. Para iso, a Fundación Galicia Emigración, deseñou un proceso de seguimento e titorización de cada proxecto, facilitando información e asesoramento personalizado.

O Programa desenvólvese a través de 4 semanas de clases teórico-prácticas e titorías individualizadas, proporcionando ao participante ferramentas de xestión empresarial, así como información detallada para o inicio de actividades empresariais en Galicia ou vinculadas á nosa Comunidade.

Prazas:

20 persoas por programa.
Programa totalmente gratuíto

Accións 2006

Ao longo do 2006 levaranse a cabo 4 programas dirixidos ás comunidades galegas residentes en Iberoamérica e Europa.

Localidade

Caracas

Lugar de realización

Asociación de Empresarios Galegos de Venezuela

Destinatarios

Emigrantes galegos e os seus familiares

Data de realización

Do 2 ao 30 de outubro de 2006

Prazo de inscrición

Ata o 29 de setembro de 2006

Información e Inscricións:

• Asociación de Empresarios Galegos de Venezuela
  Avda. Venezuela. Edf. Venezuela. Piso 7 Ofic. 76.
  El Rosal. Caracas
  Tel-Fax: (21) 2954 0974
  Mail: empregal@cantv.net
  
• Fundación Galicia Emigración
  Campo do Forno, nº 1-
  15703 – Santiago de Compostela.
  Fax: (0034) 981 55 46 12
  Mail: autoemprego@fundaciongaliciaemigracion.es
  Web : www.fundaciongaliciaemigracion.es

Financian

Entidade Colaboradora