Enlace á web da Secretaría Xeral de Emigración
usuarios rexistrados contrasinal
novo rexistro Vantaxes

Vivenda

 

Os emigrantes retornados, de igual xeito que o resto dos galegos, poden acceder a vivendas enmarcadas nun réxime especial de protección.

Así, a Xunta de Galicia (e o Estado) ofrecen as seguintes posibilidades:

a. Vivendas de promoción pública

 

Os emigrantes galegos residentes no estranxeiro ou os que teñan retornado no prazo de 2 anos inmediatamente anteriores á data da convocatoria do procedemento de adxudicación de vivendas, que acrediten, en ambos casos, a condición de emigrantes por un tempo non inferior a 5 anos, poderán solicitar vivendas de promoción pública.

As vivendas de promoción pública son vivendas promovidas pola Xunta de Galicia a través da Consellería de Vivenda e Solo para atender as necesidades de familias con escasos recursos económicos.

Poden ser de 2 tipos:

  • Vivendas de protección oficial de promoción pública.
  • Vivendas cualificadas en núcleos rurales y en núcleos históricos.

A adxudicación destas vivendas poderase facer en propiedade ou en arrendamento.

Prezos de venda

Oscilarán entre o 50 e o 70 % do seu valor, no caso das vivendas de protección oficial de promoción pública e entre o 60 e o 100 % do valor da vivenda e dos anexos no caso das vivendas cualificadas en núcleos rurais e en núcleos históricos, dependendo sempre dos ingresos económicos do solicitante.

Requisitos

  • Acreditar uns ingresos familiares ponderados de entre 0,7 e 2,5 veces o Indicador Público de Renda de Efectos Múltiples (IPREM).
  • Residir habitualmente e ter posto de traballo no municipio onde se sitúen as vivendas, cunha antigüidade mínima de 2 anos. Están exentos deste requisito os emigrantes e os emigrantes retornados.
  • Carecer de vivenda en calidade de propietario, ou usufructuario, ou cando aquela teña deficientes condicións de habitabilidade, ou no caso de ter alugada unha vivenda se o custo mensual do aluguer é igual ou superior ao 30 % dos ingresos ponderados anuais da unidade familiar.

Adxudicación das vivendas

Corresponde ás Comisións Provinciais de Vivenda e as solicitudes haberá que presentalas, no prazo que se fixe, con carácter xeral nos concellos correspondentes. Non obstante, os emigrantes aínda non retornados poden presentalas nas representacións diplomáticas ou consulares españolas correspondentes.


b. Vivendas con protección pública

 

As Administracións Estatal e Autonómica teñen establecida unha serie de axudas económicas para posibilitar a adquisición (ou a construcción da propia vivenda) de vivendas de nova construcción declaradas protexidas pola Delegación Provincial correspondente da Consellería de Vivenda e Solo ou de vivendas xa existentes, ben sexan libres ou suxeitas a algún réxime de protección en segunda ou posterior transmisión.

Estas axudas van dirixidas a adquirentes con ingresos ponderados de ata 5,5 veces o SMI, aínda que prioritariamente concéntranse en aqueles que accedendo por primeira vez á propiedade dunha vivenda, non superan 3,5 veces o dito salario mínimo, son familias numerosas, emigrantes, xoves de ata 35 anos ou familias con algún membro con minusvalía ou da terceira idade.

Estas vivendas deberán destinarse unicamente a domicilio habitual e permanente do propietario.

Tipos de axudas

  1. Préstamos concedidos por entidades de crédito (que teñen subscritos convenios co Ministerio de Fomento), cun período de amortización de 20 anos, cunha contía de ata o 80 % do prezo da vivenda, cun tipo de interese fixado polo Ministerio de Fomento e cunha garantía hipotecaria.
  2. Axuda Estatal Directa á Entrada: é unha cantidade que recibe o adquirente a través da entidade financeira no momento de compra da vivenda.
  3. Subsidiación do préstamo: cantidade, expresada en porcentaxe da cota de amortización do préstamo hipotecario (capital e intereses), que o Estado abona por conta do adquirente.
  4. Subvencións da Comunidade Autónoma.


Requisitos

  • Non ser titular de outra vivenda suxeita a réxime de protección pública nin de outra vivenda libre na mesma localidade e acreditar ingresos familiares non superiores a 5,5 veces o SMI, para obter o préstamo cualificado.
  • Acceder por primeira vez á propiedade dunha vivenda e acreditar ingresos familiares que non superen en máis de 4,5 veces o SMI para obter axudas económicas directas.
  • Os emigrantes galegos retornados, ademais da posibilidade de acceder ao resto das axudas que contempla o Decreto nas mesmas condicións que o resto dos galegos, poden acceder, sempre que se atopen en situación de emerxencia social, a unha axuda equivalente ao 25 % do custo total da vivenda, cun límite de 16.500 euros.
  • Máis información sobre a axuda para emigrantes retornados en situación de especial necesidade.
  • Modelo de solicitude
  • Catálogo axudas plan 2002-2005

c. Outras axudas

Ademais das indicadas, dentro das axudas destinadas á vivenda existen outras ás que os emigrantes poden acceder, independentemente desta condición, sempre que cumpran os requisitos sinalados nas mesmas:

Voltar