Axudas e subvencións correspondentes a diversos programas de actuación en favor das comunidades galegas no exterior

Financiamento dos gastos de funcionamento das entidades galegas no exterior

Nome do programa

Programa 5 . Axudas para o financiamento dos gastos de funcionamento das entidades galegas no exterior.

Este programa ten por obxecto a concesión de axudas para contribuír ao financiamento dos gastos correntes ou de funcionamento de carácter periódico en que incorran os centros e entidades galegas existentes fóra de Galicia e que resulten necesarios para o mantemento da súa actividade ordinaria.

Resolución

Resolución do 25 de febreiro de 2008, da Secretaría Xeral de Emigración, pola que se establecen as bases reguladoras e se convocan as axudas e subvencións correspondentes a diversos programas de actuación en favor das comunidades galegas no exterior para o exercicio 2008.

Destinatarios

Entidades galegas que teñan recoñecida a galeguidade ou a súa condición de centro colaborador, así como aquelas institucións e asociacións sen fins de lucro radicadas no exterior, legalmente constituídas e que contribúan a favorecer a difusión e preservación do patrimonio cultural galego no exterior.

Convocatoria

Diario Oficial de Galicia nº47, do 6 de marzo de 2008.

Promovido por

Secretaría Xeral de Emigración.

Prazo de presentación

Ata o 21 de abril de 2008. As solicitudes dirixiranse á Secretaría Xeral de Emigración.

Finalidade das axudas.

• Arrendamento de inmobles que se utilicen, en todo caso, como sede habitual e permanente das entidades galegas solicitantes, sempre que a entidade non dispoña de locais ou instalacións en propiedade susceptibles de ser utilizados como sede habitual e permanente.
• Outros gastos correntes que soporte a entidade, como son os derivados da adquisición de subministracións non inventariables (material de oficina, prensa, revistas ou material informático non inventariable), comunicacións telefónicas, luz e outros gastos de carácter similar.
• Gastos de desprazamento dos representantes legais das entidades e centros galegos no exterior con motivo das reunións e sesións de traballo convocadas oficialmente pola Secretaría Xeral de Emigración.

Prazo de execución e xustificación

A acción subvencionada deberá ser executada e xustificada antes do 10 de decembro de 2008.

Contacto

• Secretaría Xeral de Emigración
  Rúa Basquiños nº 2. C.P.: 15704
  Santiago de Compostela - A Coruña

Ano

2008

Información adicional:

Consultar a resolución.

Guía do Cidadán