Plan de Vivenda 2002-2005 (Instituto Galego de Vivenda e Solo)
O Plan de Vivenda 2002-2005 contempla a problemática dos emigrantes galegos retornados que se atopen nunha situación de especial necesidade.
O artigo 20 do Decreto 199/2002, do 6 de xuño, establece a posibilidade de optar a unha subvención do 25 % do custo da vivenda cun máximo de 16.500 € para os emigrantes galegos retornados nos dous anos anteriores no momento da solicitude -solicitude que se debe presentar ante o IGVS- que se atopen en especial situación de necesidade. Esta situación acreditarase, segundo indica o decreto, mediante un informe que debe emitir a Secretaría xeral de Emigración. Para que dende a secretaría xeral se poida emitir este informe é necesario que os interesados remitan: - Solicitude de emisión do informe na que consten todos os datos persoais do solicitante.
- Copia compulsada do DNI.
- Copia compulsada da solicitude de adquisición de vivenda protexida presentada no organismo correspondente.
- Documentación acreditativa compulsada da data do retorno (baixa consular, certificado de emigrante retornado).
Normativa: Decreto 199/2002, do 6 de xuño, polo que se establecen as axudas públicas en materia de vivenda a cargo da Comunidade Autónoma de Galicia e se regula a xestión das previstas no Real decreto 1/2002, do 11 de xaneiro, para o período 2002-2005. Información adicional: Catálogo de axudas para vivenda. | 
