¿A que persoas se aplica o Convenio?
Aos españois e tunecinos que traballen ou tiveran traballado en ambos os dous países e aos seus familiares e superviventes.
Asemade aplícase aos que teñan a condición de refuxiados e aos apátridas que residan habitualmente nun dos dous países, así como aos membros das súas familias e superviventes.
¿Que prestacións se inclúen no Convenio?
Información xeral
O Convenio aplícase ás seguintes prestacións:
En relación con España:
Ás seguintes prestacións de carácter contributivo do sistema da Seguridade Social:
- Asistencia sanitaria por maternidade, enfermidade común ou profesional e accidente, sexa ou non de traballo.
- Prestacións económicas por incapacidade temporal en casos de enfermidade común e accidente non laboral.
- Prestacións económicas por maternidade.
- Prestacións por incapacidade permanente, xubilación, morte e supervivencia.
- Prestacións económicas derivadas de accidente de traballo e enfermidades profesionais.
- Prestacións familiares por fillos a cargo.
En relación con Túnez:
Ás lexislacións da Seguridade Social de carácter contributivo aplicables aos traballadores asalariados, non asalariados ou asimilados concerniente a:
- As prestacións dos Seguros Sociais (enfermidade, maternidade e morte)
- A reparación dos accidentes de traballo e enfermidades profesionais.
- As prestacións do Seguro de invalidez, vellez e supervivencia.
- As prestacións familiares.
Respecto a estas prestacións hai que ter en conta que:
- Para adquirir as prestacións de carácter contributivo previstas no Convenio pódense sumar os periodos de seguro cumpridos en España e en Túnez.
- As prestacións económicas de carácter contributivo poderanse percibir con independencia de que o interesado resida ou se atope en España ou en Túnez.
- Cada país abonará as súas propias prestacións directamente ao beneficiario.
- As persoas que reúnan os requisitos esixidos polas lexislacións de ambos os dous países para ter dereito a pensión contributiva, poderán percibir esta de cada un deles.
Asistencia sanitaria
A asistencia sanitaria recoñécea o país no que esté asegurado o traballador ou que abone a pensión, e de acordo á súa lexislación nacional.
Normalmente préstaa o país que a recoñece, pero tamén poden recibila cando se despracen ou residan no outro país nos casos seguintes:
- Traballadores asegurados nun país así como os seus familiares, que se despracen temporalmente ao seu país de orixe por vacacións retribuidas ou ausencias autorizadas e que precisen de forma inmediata a asistencia sanitaria.
- Traballadores enfermos asegurados nun país que sexan autorizados a trasladarse ao outro país.
- Pensionistas dun país e os seus familiares que se atopen ou residan no outro país. Durante a estancia temporal so teñen dereito a prestacións por necesidade inmediata.
- Familiares do traballador que residan no outro país. As prestacións sanitarias sírvense no país onde se atope o beneficiario, e segundo o establecido na lexislación sanitaria e nos Servizos Públicos de Saúde dese país, durante o tempo que autorice a Institución do país onde o traballador esté afiliado ou que abone a pensión.
Incapacidade temporal e Maternidade
Para o recoñecemento destas prestacións súmanse, se é necesario, os períodos de seguro de ambos os dous países.
Invalidez, Vellez e Supervivencia
Cada país examinará por separado a solicitude de pensión na forma seguinte:
- A Institución competente de cada país determinará se o interesado acada dereito á pensión tendo en conta unicamente os períodos de seguro propios, sen sumar os do outro país.
- Asemesmo, dita Institución determinará o dereito a pensión sumando aos períodos de seguro propios os acreditados no outro país. Neste suposto, o importe da pensión non será íntegro, senón segundo a proporción existente entre os períodos de seguro cumpridos no país que a outorgue e a suma dos períodos de España e Túnez.
- Unha vez determinados os dereitos do interesado segundo o indicado nos apartados anteriores, a Institución competente de cada país recoñecerá e abonará a pensión que sexa máis favorable ao interesado.
Accidente de Traballo e Enfermidade Profesional
A prestación determinarase polo país a cuxa lexislación estivera suxeito o traballador no momento de producirse o accidente ou de contraerse a enfermidade.
Solicitude de prestacións
As solicitudes de prestacións españolas e tunecinas deberán dirixirse á Institución competente do país onde resida o interesado.
En España:
- Centro de Atención e Información da Seguridade Social máis próximo ao seu domicilio (Instituto Nacional da Seguridade Social) ou
- as Direccións Provinciais do Instituto Social da Mariña cando se trate de traballadores incluídos no Réxime Especial de Traballadores do Mar.
En Túnez:
- Caisse Nationale de Sécurité Sociale.
Atención:
Se o interesado ou os seus causantes residen no territorio dun terceiro Estado, deberá dirixir a súa solicitude á Institución do país (España o Túnez) baixo cuxa lexislación aquél estivo asegurado por última vez.
Outros datos de interese
A aplicación do Convenio permite o exame do dereito a prestacións por continxencias que tiveran lugar con anterioridade á data da súa entrada en vigor, se ben o abono das mesmas non se efectuará en ningún caso por períodos anteriores a dita data.
Para máis información consulta o texto completo do convenio: |
