Voto por correo do persoal embarcado

O persoal dos buques da Armada, mariña mercante ou flota pesqueira de altura, abandeirados en España, que permanecera embarcado dende a convocatoria das eleccións ata a súa celebración e que durante dito período, toque portos previamente coñecidos, no territorio nacional, poderá exercitar o seu dereito de sufraxio electoral da seguinte forma:

A través do servizo de radiotelegrafía, poderase solicitar da Delegación Provincial da Oficina do Censo Electoral onde o interesado se atope inscrito, o certificado no Censo. A mensaxe constará dos seguintes datos:

1. Nome e apelidos so solicitante
2. Número do documento nacional de identidade ou número de tarxeta de estranxeiro.
3. Data de nacemento
4. Provincia e municipio de nacemento
5. Municipio de residencia no que está incluído no Censo Electoral
6. Rúa e número do seu domicilio
7. Nome do buque no que se atope embarcado
8. Porto ou portos no que teña previsto arribar o buque, con indicación das datas concretas nas que se produza.

No caso de que poida recibir a documentación electoral por medio de doutro buque, indicarase na radiomensaxe o armador, consignatario ou buque onde debe ser enviada.

A efectos de solicitude do voto por correo, os servizos de radiotelegrafía dos buques terán a consideración de dependencias do Servizo de Correos e os Comandantes e Capitáns ou o Oficial no que expresamente deleguen, a de funcionarios encargados da recepción da solicitude.

A Delegación Provincial da Oficina do Censo Electoral correspondente, unha vez comprobada a inscrición do interesado, considerará a todos os efectos como recibida a solicitude e procederá a remitir ao seu nome, a documentación pertinente ao porto ou, no seu caso armador, consignatario ou buque que o elector designara.

Recibida polo elector esa documentación, procederá a remitir por correo certificado e urxente, desde calquera dos portos no que o buque atraque, a documentación electoral correspondente á Mesa electoral na que corresponda votar.

Voltar