Educación

A Secretaría xeral de Emigración, como responsable da política inmigratoria e de retorno en Galicia e a Consellería de Educación e Ordenación Universitaria desenvolven distintas accións cara a mellorar a atención do alumnado procedente do estranxeiro, poboación con novas necesidades que, ao mesmo tempo, está a contribuír ao enriquecemento e á diversidade da cultura da nosa sociedade.

Esta colaboración desenvólvese mantendo sempre a perspectiva da interculturalidade, da sensibilización da poboación galega en xeral e dos xoves en particular e no respecto á diversidade, cara a prevención de actitudes racistas e xenófobas.

¿En que consiste esta colaboración?

• Intercambio de información.
• Información e formación de profesionais do mundo educativo.
• Establecemento de canles de comunicación entre as familias e a Administración.
• Elaboración conxunta de propostas de elaboración de normativa que afecte ao colectivo.

¿Cales son as principais accións que se veñen realizando?

• Difusión da oferta formativa de formación profesional ocupacional que se imparte nos centros docentes públicos dependentes da Consellería de Educación e Ordenación Universitaria correspondente ao Plan de Formación e Inserción Profesional (Plan FIP).
• Difusión, a través de cadernos informativos elaborados pola Consellería de Educación e Ordenación Universitaria, da oferta formativa de ensinanzas para persoas adultas (EPA) e da adecuación da programación ás necesidades da poboación inmigrante.
• Difusión do folleto relativo á escolarización do alumnado procedente do estranxeiro, no que se explican as características do noso sistema educativo.

Con esta publicación preténdese garantir e facilitar á poboación procedente do estranxeiro o exercicio do dereito á educación e o deber da escolarización obrigatoria.

A finalidade deste folleto, publicado en galego, castelán e árabe, é que sexa de utilidade para os familiares dos nenos retornados ou inmigrantes, así como para todos os profesionais que traballen con este colectivo, non só no eido educativo.

Acceso ao folleto en árabe