Axudas asistenciais extraordinarias para emigrantes retornados:
Obxecto
Paliar a situación derivada da carencia de recursos dos emigrantes retornados e dos familiares ao seu cargo que integren a unidade familiar (entenderase por unidade familiar a que conformen os emigrantes retornados e as persoas unidas a estes por matrimonio ou parentesco por consanguinidade ou afinidade en primeiro grao, ou por adopción, que convivan co emigrante retornado, salvo os casos de separación, e dependan economicamente deles), así como axudar a sufragar os gastos extraordinarios ocasionados polo retorno cando se acredite insuficiencia de recursos no momento de solicitude da axuda.
Terán expresamente a consideración de gastos extraordinarios os orixinados pola asistencia xurídica en procedementos socio-laborais, en procedementos civís (referidos a separacións, divorcios e reclamacións de alimentos) e os civís e penais derivados de causas de violencia doméstica, sempre que o solicitante da axuda non poida acceder ao beneficio de xustiza gratuíta, orixinados no país de emigración e iniciados antes do retorno ou durante os dous anos posteriores ao mesmo.
En ningún caso sufragaranse procesos laborais ou de Seguridade Social iniciados contra institucións españolas. Non se considerarán gastos extraordinarios derivados do feito do retorno a España os correspondentes ao gastos dos pasaxes de volta nin os do traslado de mobles e útiles.
Beneficiarios
Poderán ser beneficiarios deste programa de axudas:
- Os emigrantes retornados nos que concorra algunha das causas de concesión sinaladas anteriormente, sempre que acredite que traballaron polo menos 1 ano no exterior dende a última saída de España.
- No caso das persoas que obtivesen ou recuperasen a nacionalidade española, deberá acreditarse que eses períodos de traballo son posteriores á data de obtención ou recuperación de dita nacionalidade.
- No caso de falecemento do emigrante poderán solicitar esta axuda, dentro dos 2 anos seguintes á data de aquel, tanto o cónxuxe viúvo como os fillos orfos sempre que se acredite insuficiencia de recursos no momento de solicitude da axuda e quede acreditado que o emigrante traballou polo menos 1 ano no exterior dende a última saída de España.
Contía
As axudas serán de contía variable en función das causas que xeran a solicitude e da situación económica e familiar dos interesados, podendo acadar, como máximo, os 4.508 €.
Documentación a presentar
As solicitudes formularanse en modelo oficial acompañándose da seguinte documentación:
- Copia compulsada do documento nacional de identidade ou pasaporte español en vigor do solicitante.
- Certificación da condición de emigrante retornado, emitida polas Áreas ou Dependencias Provinciais de Traballo e Asuntos Sociais das Delegacións ou Subdelegacións do Goberno, respectivamente, correspondentes ao domicilio do solicitante, na que consten os períodos traballados no exterior, dende a data da última saída de España. Esta data será a que se consigne no certificado de emigrante retornado ou, no seu defecto, a que se acredite co pasaporte español ou con calquera outro medio de proba admitido en dereito.
- Baixa consular expedida polo Consulado do país de emigración.
- Certificado de empadroamento expedido polo concello no que resida o retornado.
- Documentación acreditativa de ingresos e rendas que se perciben polo emigrante ou outros membros da unidade familiar, aportándose así mesmo, no seu caso, a xustificación das axudas recoñecidas por outras entidades públicas ou privadas, con indicación da súa contía. No seu defecto aportarase declaración responsable de carecer de medios económicos suficientes para afrontar a situación de necesidade alegada.
- Acreditación, cando proceda, dos gastos que motivan a petición de axuda.
- Certificado de defunción ou sentencia de separación, cando proceda.
- Copia compulsada do libro de familia a efectos de acreditar a relación de parentesco entre o emigrante retornado falecido e o solicitante.
- Cando o emigrante retornado ou os seus familiares estean incapacitados ou sexan menores, a solicitude formularaa no seu nome o representante legal.
- Para xustificar a situación de insuficiencia de recursos as Áreas ou Dependencias de Traballo e Asuntos Sociais, ou Direccións Insulares, das Delegacións ou Subdelegacións do Goberno poderán solicitar ao concello no que estea empadroado o interesado un informe social.
Lugar e prazo das solicitudes
- As solicitudes de axuda poderán presentarse nas Áreas ou Dependencias Provinciais de Traballo e Asuntos Sociais das Delegacións ou Subdelegacións do Goberno, respectivamente, correspondentes ao domicilio do solicitante ou no seu caso, nas Direccións Insulares, e na Dirección Xeral de Emigración. Así mesmo, poderán presentarse tamén en calquera dos rexistros ou oficinas as que se refire o artigo 38 da Lei 30/1992, de 26 de novembro.
- O prazo de solicitude para o ano 2005, estará aberto do 23 de febreiro ata o 31 de outubro, inclusive, sempre que non tiveran transcorrido máis de 2 anos dende a data do retorno definitivo a España.
+ información: Ministerio de Traballo e Asuntos Sociais:
Impreso de solicitude
Voltar
|
