Terán dereito á asistencia sanitaria aqueles pensionistas:
a. Que perciben a súa pensión da Seguridade Social española.
Aínda que cobre unha pequena cantidade de España, ten dereito a recibir en España a asistencia sanitaria como pensionista. É obriga do pensionista comunicar ao INSS calquera variación (como puidera ser o caso dun pensionista que viñera a residir a España) para ser dado de alta en asistencia sanitaria e para poderlle enviar as notificacións ao novo enderezo. Ademais, poderá ter dereito a un complemento na súa pensión no caso de que a suma das pensións que reciba non acade o mínimo establecido para as persoas da súa condición e idade, sempre que cumpra os requisitos esixidos.
b. Que perciben a súa pensión dun país do Espazo Económico Europeo.
Cando un emigrante retorne a España deberá ter no seu poder os formularios E-121, que lle facilitará o país do que é pensionista, e os presentará no INSS, para darlle a alta na asistencia sanitaria en España ao titular e aos beneficiarios que tivesen dereito segundo a lexislación nacional.
c. Que perciben a súa pensión dun país co que España ten o Convenio de Seguridade Social que contempla o intercambio de prestacións de asistencia sanitaria (Andorra, Brasil, Chile, Ecuador, Marrocos, Paraguai, Perú e Tunicia).
Ten que traer, do país do que recibe a pensión, un formulario de dereito a asistencia sanitaria en España. Desta forma, a Seguridade Social española cobraralle ao país emisor o establecido por dar a cobertura en España a o pensionista e aos beneficiarios que podan estar incluídos na súa cartilla, segundo a lexislación española.
Deberán presentar os correspondentes formularios no INSS.
Formularios:
-
Andorra: formulario E/AND-7
-
Brasil: formulario EB-2
-
Chile: formulario E/CHL-09
-
Ecuador: formulario EE-6
-
Marrocos: formulario EM-7
A Dirección Provincial ou o Centro de Atención e Información del INSS (CAISS) facilitaralles o documento de asistencia sanitaria previsto para os pensionistas da Seguridade Social, excepto no caso de Ecuador que poderán acudir co formulario e unha fotocopia do mesmo aos centros sanitarios da Seguridade Social española.
d. Que perciben a súa pensión da Seguridade Social Suíza.
Cando retornan a España poden optar por:
-
Subscribir un Convenio Especial en materia de asistencia sanitaria coa Tesorería Xeral da Seguridade Social (Orde TAS/2865/2003), neste caso están exentos da afiliación ao seguro de enfermidade suízo.
-
Tamén poden solicitar a algunha das caixas de enfermidade suiza un formulario E-121 para a cobertura de dita prestación.
En ambos casos poderán solicitar o recoñecemento da inclusión dos requisitos esixibles conforme a lexislación interna española.
En ambas situacións abonarán a cuota establecida polo Organismo elexido.
Voltar
| 
