Axudas e subvencións correspondentes a diversos programas de actuación en favor das comunidades galegas no exterior

Exposicións, conferencias, cursos de formación e actividades asociativas propias das entidades galegas no exterior

Nome do programa

Programa 2. Axudas para promover a realización de exposicións, conferencias, cursos de formación e actividades asociativas propias das entidades galegas no exterior.

A través deste programa preténdese fomentar mediante a concesión de axudas, a realización da programación cultural e formativa dos centros e entidades galegas no exterior e, así mesmo, promover a difusión e preservación do patrimonio cultural de Galicia entre as colectividades de galegos residentes nos lugares de acollida.

Resolución

Resolución do 25 de febreiro de 2008, da Secretaría Xeral de Emigración, pola que se establecen as bases reguladoras e se convocan as axudas e subvencións correspondentes a diversos programas de actuación en favor das comunidades galegas no exterior para o exercicio 2008.

Destinatarios

Entidades galegas que teñan recoñecida a galeguidade ou a súa condición de centro colaborador, así como aquelas institucións e asociacións sen fins de lucro radicadas no exterior, legalmente constituídas e que contribúan a favorecer a difusión e preservación do patrimonio cultural galego no exterior ou que presten servizos socioasistenciais á colectividade galega residente no exterior.

Convocatoria

Diario Oficial de Galicia nº47, do 6 de marzo de 2008.

Promovido por

Secretaría Xeral de Emigración.

Prazo de presentación

Ata o 21 de abril de 2008. As solicitudes dirixiranse á Secretaría Xeral de Emigración.

Finalidade das axudas.

• Programación anual de actividades culturais e de carácter formativo presentada polos centros e entidades galegas no exterior.
• Cursos de formación e seminarios
• Celebración de exposicións e mostras representativas das distintas manifestacións artísticas e culturais levadas a cabo en Galicia.
• Conferencias, mesas redondas, xornadas e presentacións literarias que contribúan a dinamizar a vida social e cultural das colectividades de galegos no seu lugar de asentamento
• Organización de grupos corais, musicais, teatrais e de danza e actividades que estes realicen.
• Actos conmemorativos do Día das Letras Galegas e do Día Nacional de Galicia.
• Outros proxectos promovidos polos centros e entidades galegas no exterior que propicien o fomento e a difusión da imaxe de Galicia nos lugares de asentamento das comunidades galegas.

Prazo de execución e xustificación

A acción subvencionada deberá ser executada e xustificada antes do 10 de decembro de 2008.

Contacto

• Secretaría Xeral de Emigración
  Rúa Basquiños nº 2. C.P.: 15704
  Santiago de Compostela - A Coruña

Ano

2008

Información adicional:

Consultar a resolución.

Guía do Cidadán