Gerardo Fernández Albor |
 Primeiro Presidente Electo da Xunta de Galicia, tras ter renunciado á súa vida privada en pleno éxito profesional, e pórse ao servizo de Galicia na aventura da súa primeira etapa autonómica. Entregou o mellor da súa vida ao servizo de Galicia, primeiro na Comunidade Autónoma e logo levando o espírito de Galicia ao Parlamento Europeo, onde fundou e presidiu o Intergrupo Camiño de Santiago. Preparou e puxo en práctica a Lei da Galeguidade, que impulsou decisivamente os movementos asociativos galegos, potenciando a autoestima e o orgullo de ser galegos. Tamén ten a medicina como profesión: doutor en medicina e cirurxía, e especialista en cirurxía xeral e dixestiva, é fundador e director do Instituto Policlínico “La Rosaleda”, foi responsable do servizo do Centro de Diagnóstico e Tratamento “Concepción Arenal”, primeiro presidente da Sociedad Española de Colo-Proctología e fundador da Academia Médico-Quirúrxica de Santiago de Compostela e da Sociedade de Cirurxía de Galicia. |
