O fenómeno do asociacionismo no retorno: Asociación Meta

Desde esta entidade, fundada por un grupo de emigrantes retornados do Río da Plata, tentan cubrir as necesidades de adapatabilidade e fomentar a integración dos emigrantes que voltan a Galicia e que en ocasións se atopan con algúns atrancos para desenvolver plenamente os seus obxectivos. Algunhas das súas actividades céntranse na creación de grupos especializados nos problemas que afectan ós emigrantes

A Asociación M.E.T.A. foi ceada para investigar e desenvolver accións cara as necesidades dos emigrantes retornados e inmigrantes en xeral.  "Aceptamos a nosa misión asociativa  como servizo e como misión. O futuro de Galicia está, necesariamente, implicado na coparticipación na realidade socio económica que é a inmigración. Iso producirá inevitables movementos migratorios de traballadores de distinto tipo e instrución que serán reclamados polos sectores, produtivos. Nesa realidade debemos traballar intensamente como ONGs", afirma José Martínez-Romero Gandos, director de Meta en A Coruña.

Existe unha acción específica programada, a piques de comezar que conta cos auspicios da Fundación Barrié de la Maza. Trátase de creación e desenvolvemento dun Grupo de Reflexión para Emigrantes Retornados e para Inmigrantes en Xeral cunha serie de obxectivos como son mellorar os nivéis de benestar social dos participantes, crear un grupo especializado nos problemas que enfrontan os inmigrantes e emigrantes retornados, facilitar a integración socio-laboral e comunitaria dos integrantes e impulsar actividades accesorias desenvolvidas mediante a elaboración, programación e execución de tarefas por parte do grupo.

A Asociación M.E.T.A. xorde como un proxecto dun grupo de emigrantes retornados do Río da Plata que levan xa anos na Galiza. Martínez-Romero asegura que tras algúns atrancos " a asociación comeza a recibir o apoio da Secretaría Xeral de Política Lingüistica da Xunta de Galicia que financia o noso Boletín Acubillo e da Fundación Barrié de la Maza co auspicio do devandito Grupo de Reflexión para Inmigrantes".

En canto ó fomento da integración dos emigrantes que voltan, desde Meta afirman que " A Asociación realiza tamén un traballo silencioso tentando unha modalidade de intervención que considere estas situacións sociáis de crise e procura unha "multiculturalidad significativa" orientada a que cadaquén recoñeza ó outro e se acheguen, mellorando a comunicación, a comprensión mutua, o aprendizaxe social, o desenvolvemento da convivencia, a regulación dos conflictos e o respecto pola cultura, tanto de acollida como de orixe".

No caso do asociacionismo de emigrantes retornados o director de Meta aclara que "moitas asociacións inicialmente xestionadas como de "retornados" prefiren (e nós tamén) reflectir accións, estudios, traballos, información e solidariedade e aclarar onde sexa pertinente que todos os emigrantes que "retornan" son cidadáns e cidadanas de pleno dereito e as súas accións ou problemas non sempre son reflectidos correctamente pois integran as estatísticas xeráis. Caso diferente é o dos inmigrantes de calquera outra nacionalidade ou orixe".